Home » Pelea grandi na Paradera, a caba cu destruccion na dos auto, un persona herida y 5 persona deteni, cual 4 ta hoben y un adulto

Pelea grandi na Paradera, a caba cu destruccion na dos auto, un persona herida y 5 persona deteni, cual 4 ta hoben y un adulto

by Admin
0 comment 112 views

Paradera – Diadomingo anochi for di oranan trempan Paradera tawata e punto di atencion pa polisnan. Prome informacionnan cu tawata drenta na polis a papia di un pelea formal cu machete y palo na rotonde di Paradera.

Na yegada di polis e pelea ya a stop, pero polis a constata cu lo tawata un pelea basta grandi. Un hoben segun nos a compronde lo a resulta herida nos no sa di ki gravedad, pero e lo no tawata desea di papia cu ningun hende o sea autoridad.

Polisnan a tuma dato di esnan cu tawata na e sitio ainda y despues tur hende a move.
Den menos cu 30 minuut despues, presencia di polis a wordo pidi cu urgencia na un adres na Paradera, esaki ta situa den e caya panort di botica cu ta bay pa Nuñe, caminda a start un pelea di otro mundo entre un grupo grandi di persona.

Segun nos a compronde na e sitio, cu tawata ta trata di e mesun hendenan cu lo a bringa ariba parkeerplaats di botica a yega na e cas aki. Mama di un di e muchanan cu a bringa un rato prome, a drenta riba tereno priva di e cas y cuminsa bisa cu un di e yiunan di e doño di cas lo a dal su yiu. Despues di un rato e habitantenan di e cas a wordo sorpresa cu yegada di un pickup, un meneer adulto tras di stuur y algun mucha sinta den e pickup. Nan lo a baha cu machete y bate di baseball. Un di e muchanan a pasa man pa e bate y a dal yiu di e doño di e cas. E mucha a keda herida cu un kap basta hundo na su frenta. Mientras e tata lo a manda e bat dal den windshield di un Nissan March y a kibra esaki.
Un otro auto tambe a haya algun daño.
Mas cu claro e habitantenan na e cas cu a wordo sopresa a reacciona y aki ta unda e basta sla a cay.

Polis enberdad a haya refuerso for di tur districto di Aruba pa por a domina e situacion cu tawata uno hopi caótico.
E agentenan a sa di domina e situacion bastante lihe y tambe a pidi pa un ambulance cu urgencia, mirando e golpi fuerte na cabes cu e hoben a ricibi door di e baseball bat.

Un total di 5 persona a wordo deteni, ta trata di 4 hoben y un adulto, cu segun nos a compronde na e sitio, ta trata di tata di un di e hobennan cu lo a yega na e adres pa busca problema.

Segun esnan envolvi e motibo pakiko tur e problema aki a start, tawata door di cancionnan di e hobennan aki, di e genero di Rap, den cual un lo ta tilda otro cu palabra, nan tawata tira palabra den direccion di otro. Nos no sa ta cua cantica y tampoco nos sa ta ki palabranan lo ta wordo bisa den e cancionnan, pa cu e situacion a yega asina leu.

Esnan envolvi lo mester bay sinta cu recherche unda cu lo scucha ambos partido y asina trata na e resolve e problema aki cu a bay completamente for di man pavia di un cancion di RAP.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio