Home Police Cuatro hoben a bolter na Savaneta cu un auto horta

Cuatro hoben a bolter na Savaneta cu un auto horta

SHARE

Savaneta: Algo pasa di 8 ‘or y mey di anochi, habitantenan ta scucha un zonido hopi fuerte, mesora nan a bay mira pafo y na altura di Wintergarden Supermarket, nan ta topa na banda di pazuid di caminda un auto gebolter cu masha hopi daño material y tambe un palo di lus ranca y algun cu a sufri daño.

Mesora a pidi cu urgencia pa presencia di polis ambulance y materiaalwagen, tur cos tabata mustra un accidente hopi serio.

Na yegada polis a bin compronde cu den e auto tabata tin 4 persona y na momento cu e prome patruya a yega na e sitio, ya e 4 personanan kende nan ta 4 hoben, full spanta a sali for di e auto y a cana bay.

Mesora polis a hala nan atencion y a cana cu nan pa asina e paramediconan di ambulance por a haci un control medico cu nan, mirando e daño material grandi cu a keda tras. Un di e hobennan tabata tin corta na cara.

Dos unidad di ambulance y e OVD di ambulance a presenta na e sitio. Tambe dos unidad di brandweer a presenta na e sitio.

Polis na e sitio a pidi pa presencia di ELMAR, pa motibo cu e palonan di lus cu a sufri daño y esun cu a kibra y e wayanan tabata benta riba caminda.

Despues cu paramediconan a haci un control medico cu e 4 hobennan, dos a wordo transporta pa hospital.

No ta conoci ken a wordo deteni o sea si ta e chauffeur so of ta e ambos hoben. E Honda a wordo confisca tambe pa mas investigacion.

Mester remarca tambe cu e 4 hobennan aki a scapa milagrosamente di un accidente cu por a termina fatal.
E area ey ta uno conoci pa accidentenan hopi serio cu final fatal.