Home » Crisis Team; den un siman Aruba ta registra 4 fayecido relaciona cu Covid-19, condolencia na famianan.

Crisis Team; den un siman Aruba ta registra 4 fayecido relaciona cu Covid-19, condolencia na famianan.

by Admin
0 comment 60 views

Oranjestad, 22 di Januari, 2021 – Covid-19 Crisis team di Gobierno ta desea di informa cu awe a keda registra 4 persona cu a fayece na hospital di Covid-19 corona virus durante di un siman. Dos di e personanan a fayece ayera 21 di Januari y e otro dos personan a fayece dia 17 di Januari. E procedura pa registra e fayecidonan segun e protocol a haci cu awe por a anuncia e fayecidonan cu dos caso cu ta retrasa. E edad promedio di e fayecidonan ta di 77 aña. Crisis Team y Gobierno di Aruba ta extende palabranan di profundo condolencia na e famianan. Un advertencia di parti di Crisis Team ta bay na un y tur den nos comunidad, cu e mihor manera pa salba bida di bo famia, amistad y di bo mes ta mediante, distanciamento social, evita lugarnan cu hopi hende, uza tapaboca tur momento, aplica higiena di man regularmente, boost bo defensa comiendo hopi berdura y fruta y tuma bo vitamina C, D y Zink segun bo necesidad y bebe bo remedinan segun indicacion den caso di malesanan cronico. Dentro di poco Aruba lo ricibi vacuna contra covid y nos comunidad henter lo por ricibi e proteccion cu nos mester.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio