65
Tamarijn/ Sero Lopez – Diahuebs mainta algo pasa di 10:30 a start un persecusion ariba di caminda Kibaima pa Santa Cruz. Polis a duna un Toyota Yaris color blanco un stopteken, pero e chauffeur no a sigui e ordo duna door di polis.
Tur cos a cuminsa momento cu polis di trafico a bay Tamarijn 54 pa confisca un auto cu tawata envolvi den un caso di hit&run.
Takelwagen a presenta y bou ordo di polis a confisca e auto.
Na caminda pa warda di Balashi unda cu e auto lo mester a wordo hiba e dos rumannan cu tawata na Tamarijn 54 a sigui e Takelwagen.
Mirando cu no sa kiko nan ta capas of pakiko nan ta siguiendo e Takelwagen polis a wordo avisa.
Un patrouille a escolta e takelwagen pa Balashi, mientras otro patrouille a bay pa atende cu e Yaris blanco.
Eynan a start e persecusion cu a termina na Tamarijn, mester remarca chauffeur di e Yaris tawata core iresponsabel treciendo bida di otro automobilistanan inocente den peliger.
Na yegada unda nan ta biba polis a logra detene un mientras e otro a core drenta mondi bay zuid.
Un rato polisnan a mire y a los un tiro di advertencia, pero ta perde for di bista.
Helicopter di Polis a lanta y despues di mas o menos 1 ora di buskeda e Helicopter a spot e ruman conoci bou nomber Harry Potter den Sero Lopez. Ey nan polisnan a pone man ariba dje.
No ta conoci si polis a haya arma di candela ariba e homber aki, debi cu un agente na e sitio unda e la baha core lo a mira algo den su paña.
Tur esaki por a wordo evita si nan no a bay core tras di e Takelwagen y ken sa cu ki intencion.