Home » Parlamentario Rocco Tjon (MEP): Comision di Husticia a reuni cu Sindicato di Bombero.

Parlamentario Rocco Tjon (MEP): Comision di Husticia a reuni cu Sindicato di Bombero.

by Admin
0 comment 63 views

 

 

Awe mainta como presidente di comision di Husticia den Parlamento, a reuni cu Sindicato di Bombero. Ta asina cu siman pasa nan a manda un carta pa mi persona, den cual nan ta señala nan preocupacion pa algun aspecto di nan trabou. Esaki ta di tres biaha cu e comision di Husticia ta reuni cu e sindicato.

 

MATERIAL

E meta dicon Sindicato a solicita e reunion ta pa intermediacion pa nan preocupacion. Mayoria di e puntonan cu a wordo treci pa dilanti tin di haber cu material y infrastructura. Pues na momento cu trata presupuesto 2021 e comision di Husticia, hunto cu Minister di Husticia, lo haci e analisisnan necesario pa purba acomoda e recursonan necesario pa por adkeri e materialnan necesario pa cuerpo di Bombero.

 

PRESUPUESTO 2021

Locual a palabra cu sindicato SINBA ta cu na momento cu presupuesto 2021 yega Parlamento, e comision di Husticia lo invitanan un biaha mas den Parlamento, pa hunto analisa e parti di Brandweer y pa purba di acapara e prioridadnan cu nan a menciona den dje. Obviamente un ehercicio igual lo wordo haci tambe cu Minister di Husticia.

 

PA CONCLUI

Minister di Husticia a informa Parlamento cu DOW ta finalisando e e diseño di e “kazerne” nobo cu lo wordo construi na Santa Cruz. Esaki ta un proceso cu a wordo haci door di Sindicato for di 2007. Pa loke ta “perslucht” nos a informa Sindicato cu recien e pagonan aki a tuma lugar y e tanki nobonan lo yega Maart proximo.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio