Home » Betico Croes Memorial Run lo tuma lugar virtual- cu tur medida di protocol”

Betico Croes Memorial Run lo tuma lugar virtual- cu tur medida di protocol”

by Admin
0 comment 57 views

 

 

Pa medio di e comunicado aki Instituto Biba Saludable y Activo (IBiSA) kier a participa na pueblo en general lo siguiente:

 

Betico Croes Memorial Run lo tuma lugar e aña aki den forma virtual y cu tur medida di protocol vigente.

 

Inscripcion pa e careda aki a habri y ta bayendo hopi liher;  tin ± 150 lugar ainda pa e careda aki. 

Link pa inscribi ta www.beticoloop.com

 

E careda aki por wordo cori for di 25 di januari te cu dia 29 di januari pa asina tur esnan cu a inscribi haya oportunidad di completa e careda. Participantenan por core of cana e distancia si cu nan a inscribe p’e.

IBiSA kier a informa tur participante cu a inscribi pa e careda aki y a escoge fecha, ora y ruta, cu esaki no por wordo cambia.

 

Cada dia ta permiti un maximo di 100 hende core pa e careda aki reparti den varios districto y cu maximo 25 persona pa grupo. E participante mes lo scoge e ruta y e dia unda cu e kier core of cana e evento aki.

 

E aña aki ta introduci un categoria nobo cu ta “youth category” y ta di 14-16 aña pa dama y cabayero  y nan por core of cana distancia di 3 km.

 

Tambe lo bay tin e distancia di 6 km, cual categorianan ta 17-19 aña, 20-29 aña, 30-39 aña, 40-49 aña, 50-59 aña y 60 aña + pa dama y cabayero, core of cana.

 

Pa e 10 km categorianan ta 17-19 aña, 20-29 aña, 30-39 aña, 40-49 aña, 50-59 aña y 60 aña +, dama y cabayero, tambe por core of cana.

 

Pa e careda aki IBiSA ta siguiendo standard di protocol actual di deporte.

 

Pa mas informacion por tuma contacto cu IBiSA na telefoon 582-4987 of via email [email protected]

 

Keda pendiente pa mas informacion di IBiSA.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio