Un trayectoria impresionante di un di e organisacion nan di mas grandi cu Aruba e conoce den deporte. Di profesionalnan, pa 40 plussers, di nos muchanan di Red Machine pa nos hobennan adulto. E aña aki Red Machine lo bolbe anuncia oportunidad nobo pa baseball, entre otro pa categoria (edad) 9-10.
Update di nos club:
Na aña 1959 Marlboro Sport Club a wordo funda. Despues di hopi reto y uso nan di diferente veld na Aruba (ACY-Aruba Juniors-LL Ballpark) pa esnan cu tin e memoria fresco ainda, gobierno di Aruba na aña 1975 a otorga un tereno na nos organisacion cu awe ainda ta conoci como e “Cas di Marlboro”, e asina yama Don Elias Mansur Ballpark.
Manera cu pa añas nos stadion a carga su nomber na entrada, sr. Phillip Morris q.e.p.d. na aña 1976 tawata e sosten financiero pa nos, unda cu “Sportvereniging Marlboro” por inicia e construccion di e cura di nos veld y tambe compra di luznan y tribune, y te awe mas cu claro agradecido na gobierno di Aruba cu semper a sa di aporta den nos desaroyonan. Tambe nos ta pa semper agradeci na nos ex Big Leaguer Sidney Ponson cu den añanan ’90 a duna su aporte y inverti den nos cas y hasi cu te awe nos stadion ta unico den su forma pa e practica di baseball na Aruba. Den añanan 1990, inoficialmente, solamente e maneho di nos veld a wordo traspasa pa un otro Stichting, y cu nos Vereniging manteniendo exclusividad y derecho di uso, y di e inversionnan hasi. Aunque nos a conose algun aña di turbulencia entre e 2 organisacionnan aki, cu a hiba tambe un resultado negativo ariba nos stadion, desde 2018 e maneho nobo di “Sportvereniging Marlboro” encabesa pa Sr. Ridderstap a re-activa entre otro e team nan di nos muchanan y cu hopi lucha y determinacion ta preparando pa hopi aña mas di exito y inversion.
Manera nos miembro y mayornan sa, nos ta pendiente e aña aki pa por continua cu e trabounan di limpiesa necesario manera tur aña y tambe aloca locual nos a ricibi pa nos Aruba Doet den aña 2020 y di nos fundraising di December 2020. Tambe nos a haci compra di luznan LED pa nos por instala den e parti di zaal y crea batting cages pa entrenamento. Nos kier gradici un y tur cu den añanan a lucha y hasi posibel pa nos por tey ainda y semper ta comprometi cu nos, nos organisacion y nos cas Marlboro. Cu e aña aki sea uno di exito un biaha mas pa nos Deporte di Baseball maske nos pais y mundo henter di deporte ta pasando den momento nan menos bon cu e Pandemia di Covid-19.
