189
Tanki Leendert – Dialuna den careda di 6 or di atardi ta drenta un informe cu e Citgo Gasstation na Tanki Leendert lo ta na candela.
Mesora a manda varios patruya y brandweer na e sitio.
Na yegada nan a bin compronde cu ta e freezer di ijs lo a pega candela.
Hopi lihe brandweer a yega na e sitio. E motor di e machine di ijs lo a pega candela y e trahadornan mes lo a logra paga esaki.
Despues cu brandweer a controla e luga y no tabata tin nada mas di candela.
Brandweer y polis a bandona e sitio y business por a sigui.