Home Police Patruya di polis a perde control y dal contra cura di cas...

Patruya di polis a perde control y dal contra cura di cas ariba Caya G.F.Betico Croes

SHARE

Caya G.F.Betico Croes  –  Diadomingo marduga basta keto a bay robes pa patruya di Playa.
Den careda di 1:45 a.m nan a hayanan mes envolvi den un accidente no serio.

Pariba di Cayena Mall pa un of otro motibo nan a perde control kita bay links y dal contra cura di un cas.

Den algun minuut mas colega a yega na e sitio y tambe un superior pa tuma nota di loke a pasa.

Ariba caminda por a mira un bocht grandi pa drenta e caya pariba di Cayena Mall cu ta Tarabanaweg.

E auto no por a core mas y mester a pidi un takelwagen pa move y bay cu ne. Seguro a presenta pa saca foto y tuma dato.

Pa loke ta e dos agentenan un masculino y femenino mester a saca nan pertenencianan y a bay den un otro patruya.