Home » Centenares di cliente di drug dealer a haya un sms for di polis na Zwolle

Centenares di cliente di drug dealer a haya un sms for di polis na Zwolle

by Admin
0 comment 58 views

Zwolle, Hulanda: Polis di Zwolle ta manda mas cu 750 cliente di drug dealernan un mensahe via sms.

Segun un vocero: E centenares di numbernan di telefon a wordo haya den celular di e drug dealernan di Zwolle. Den e sms tin un link di e website caminda e adictonan/usadonan por pidi ayudo pa stop cu nan adicion of uso di droga. Esaki ta un cooperacion unico entre ex usadonan di droga, municipio di Zwolle, RIEC Oost-Nederland, Ministerio Publico Oost-Nederland y Cuerpo policial Oost-Nederland.

Na Zwolle nan a mira cu aña pasa hopi incidente violento a tuma luga, kimamento di auto, intento di asesinato etc, esakinan pa un gran parti tin di haber cu e dealmento den droga (harddrugs).
Banda di esaki habitantenan tin hopi molester den barionan, cu bendemento di droga riba parkeerplaats, na shoppingmallnan, den speeltuin, of na skina di cualke caya. E intencion ta pa Zwolle bira un cuidad sigur y trankilo. Pa e motibo aki nan ta haciendo tur lo posibel pa saca e dealernan di droga for di riba caya.
E problema ta cuminsa cu e demanda halto pa harddrugs. Pa e motibo aki nan ta dirigi nan mes na e usadonan/adictonan di droga. Nan kier ofrece e adicto/usadonan ayudo pa stop di uza droga, esaki segun e teamchef Riemer van Beem.

Segun e burgemeester Peter Snijders, E habitantenan di Zwolle ta sintiendonan mas insigur den nan cuidad, esaki tin di haber cu e incidentenan relaciona cu dealmento y bendemento di droga. Hunto cu Polis y otro partnersnan lo traha hunto pa combati criminalidad. Pero mientras cu tin demanda pa droga y usadonan ta sigui cumpra droga, e negoshi di droga lo continua, cu tur e consecuencianan cu e ta trece cu ne. Cu e accion aki nan kier concientiza e usadonan, paso nan ta teniendo e circuito criminal di droga bibo y ta financiando na mesun insiguridad, e otro habitantenan tambe tin molester di dje. Esaki ta e motibo di e accion pa concientiza e usadonan di droga y kier duna nan un man pa por sali di e adicion. Riba e website www.stopsos.nl tin storianan di habitantenan di Zwolle cu a logra exitosamente sali for di adiccion di droga. Segun e burgemeester: ” bo no por haci’e bo so, pa e motibo aki tin un lista di instancianan y gruponan yama zelfhulpgroepen, caminda adictonan por bay pa cuminsa traha riba nan adiccion. Nos ta haya importante pa no solamente concentra den combati criminalidad, pero pa yuda tambe e adictonan pa sali for di nan adiccion.”

Aña pasa recherchenan a cuminsa cu un investigacion relaciona cu dealmento y bendemento di droga y asina a logra detene 5 sospechoso cu ta deal den droga. Despues di nan detencion nan telefoonnan a keda confisca. Den e telefonnan polis a haya diferente mensahe relaciona cu bendemento di droga. Tur e contactnan aki a haya un sms di polis, esaki cu permiso di Ministerio Publico.

Por ta e accion aki lo por wordo haci na Aruba tambe, pa yuda e personanan cu a cay den e mundo di adiccion y pa kita e bendemento di droga for di caya, especialmente den centro di Oranjestad y San Nicolas, caminda un gran parti di e adictonan ta concentra.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio