Home » Minister Dangui Oduber ta ricibi pelotero Chadwick Tromp na Cocolishi!

Minister Dangui Oduber ta ricibi pelotero Chadwick Tromp na Cocolishi!

by Admin
0 comment 67 views

 

ORANJESTAD – Diaranson merdia Minister di Deporte Sr. Dangui Oduber a ricibi bishita di e pelotero profesional Arubano, e hoben Chadwick Tromp. Chadwick di 25 aña di edad a debuta den MLB na aña 2020 y ta forma parti di e ekipo di San Francisco Giants como catcher.

Chadwick hunto cu su representantenan a trece diferente plannan cu nan tin dilanti serca e mandatario. Nan kier yuda promove Aruba turisticamente den e costa West di Merca, particularmente den California. Tambe e pelotero tin idea pa bin cu academia di baseball na Aruba, esaki conhuntamente cu ayudo di Gobierno. E idea di esaki ta pa eleva e nivel di baseball na Aruba, pa sirbi diferente paisnan den region y pa contribui na e idea di turismo di deporte. Tambe e pelotero kier organisa un wega di “celebrity” na Aruba pa atrae publico y pa promove turismo na mes momento.

Minister Dangui Oduber ta apoya e ideanan cu Chadwick tin, di parti di Ministerio di Turismo y Deporte Chadwick ta conta cu e sosten di e mandatario. Aruba ta den e aña di recuperacion economico y e ideanan di Chadwick y su representantenan sigur ta contribui na esaki.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio