Home Police Agente policial di motor unit a accidenta y a keda seriamente herida

Agente policial di motor unit a accidenta y a keda seriamente herida

SHARE

Sabana Basora: Diaranson den careda di 5’or y 45 di atardi, a sosode un accidente riba e caminda di Sabana Basora, na altura di e Jou hui Foodmart, antes Julennys.

Un agente di motor unit di fam Gomez tabata bayendo direccion nort, na su man robes cu velocidad halto y no por a controla su velocidad na momento cu un Honda CRV maneha pa un cabayero a lora na su man robes. E agente di e unidad motorisa a dal hopi duro contra e tire patras di Honda CRV, unda e impacto tabata ta, eynan tabata tin un mucha chikito sinta.

Segun e chauffeur, e agente policial lo tabata biniendo cu velocidad hopi halto, bayendo tras di algun brommer cu tabata haci fastioso un poco mas panort.

Dos ambulance a presenta y e paramediconan a prepara e agente herida pa asina transporte pa hospital. E caminda hopi lihe a wordo cera pa mas investigacion. Na e sitio a presenta algun polis di rango halto, departamento tecnico y hefe di unidad motorisa. Slachtofferhulp tambe a wordo pidi pa bay hospital.