Home Police Un of mas persona a yega un cas y herida un dama...

Un of mas persona a yega un cas y herida un dama cu un obheto skerpi

SHARE

Noord – Diamars merdia algo pasa di 3’or informacion a drenta di un caso unda cu un persona lo a wordo hinca.
Esaki a sosode net pariba di warda di polis na Noord, actualmente warda di polisnan motorisa.

Mesora polis a sali eynan mes pa bay mira kiko a sosode.

Na prome instante tawata wordo papia cu un persona lo a yega dicho cas y menasa hende cu un cuchiu.

Pero despues a resulta cu e persona of personanan cu a presenta na e cas a herida un persona biba na e cas.

Polis y recherchenan a presenta y ta haya un dama hoben, por a mira cu e ta herida den area di schouder/lomba parti robes.

Ambulance a wordo pidi y despues di algun minuut a presenta dos ambulance na e sitio.

Por a mira e dama e cana subi e ambulance. 

No ta mucho cla si trata aki di un corta of hinca.

Esnan cu a comete e acto ya no tawata tey mas ora polisnan a yega.

Si ta bon recherchenan lo mester a haya un of mas informacion for di e dama di ken/nan a presenta na cas y pakiko.