Home Politics Parlamentario Alan Howell Turbulencia na Colegio San Nicolas ta inaceptabel

Parlamentario Alan Howell Turbulencia na Colegio San Nicolas ta inaceptabel

SHARE

 

 

Durante conferencia di prensa di Fraccion di POR, Parlamentario Alan Howell a comenta riba e situacion cu ta tumando luga na Colegio San Nicolas y a expresa cu loke ta mas importante pe ta e studiantenan y nan desaroyo.

Por a mira dialuna cu Minister di Enseñansa a presenta algun ponencia cu docentenan di Colegio San Nicolas no a keda contento cu nan y studiantenan a sostene e docentenan y nan version. E situacion aki Howell ta haye fastioso y lo bay manda yama e minister den Parlamento pa e duna un splicacion di kico exactamente ta pasando.

E ta inidica cu el a haya reaccion di muchanan cu ta bay Colegio San Nicolas pidiendo pa Alan Howell duna un man den e situacion aki y “como representante di pueblo ta mi deber pa mi por scucha ymira exactamente kico ta pasando y asina tambe trece claridad y trankilidad pa loke ta trata enseñansa, cual ta un di e lugarnan cu menos lo desea turbulencia. Habri aña cu turbulencia den enseñansa ta algo mi no lo bay par ape. Mi kier pa muy en especial e muchanan di scol, e studiantenan cu ta mi preocupacion di mas grandi y logicamente tambe e maestronan di scol por ta trankilo cu mi lo bay haci caso di e situacion cu ta reinando”. 

Alan a menciona un biaha mas cu ta bay papia cu e minister pa scucha e banda di medaya di dje  y esaki lo meste sosode den Parlamento pasobra ta eynan ta unda  mester responsabilisa su mes riba su maneho.

E ta considera hopi importante pa tene na cuenta e studiantenan cu ya caba a wordo perhudica door di e situacion di Covid  y awo e turbulencia cu a inicia dialuna cu ta menasa e studiantenan atrobe, ta algo inaceptabel y mester drecha esaki masha lihe mes.

“Como parlamentario semper ma haci mi trabou como defensor di pueblo, como parlamentario semper mi ta para tras di nos ciudadanonan y den e caso aki no ta diferente”, Alan Howell a declara.