TERRE HAUTE – Na ultimo momento un hues Mericano a stop e ehecucion di e asesina Lisa Montgomery. E ta e prome hende muher cu a ricibi pena di morto den e ultimo 70 aña.
Montgomery di 52 aña a wordo sentencia na morto pa e asesinato di un muher na estado. El a horca e victima y despues a corta y saca e baby for di su barica. E mucha a sobrevivi e acto aki. E abogadonan di Montgomery ta bisa cu nan cliente a nace cu daño cerebral y cu durante su infancia e tawata victima di abuso sexual severo.
Diamars anochi e asesina, kende ta residencia den un prison federal na Terre Haute, Indiana, lo mester a ricibi e hangua cu lo a pone un fin na su bida. Pero hues a dicidi cu no tin motibonan valido pa asumi cu Montgomery no ta den estado mental pa compronde dicon ela ricibi pena di morto.