Home » Minister Xiomara Maduro a participa na e ‘Vierlandenoverleg’ riba Enseñansa, Ciencia y Cultura den Reino

Minister Xiomara Maduro a participa na e ‘Vierlandenoverleg’ riba Enseñansa, Ciencia y Cultura den Reino

by Admin
0 comment 59 views

ORANJESTAD – Minister Maduro hunto cu colega Minister Lampe a participa na e ‘Vierlandenoverleg’ di Ministernan di Enseñansa, Ciencia y Cultura di Reino hunto cu colega Ministernan Croes di Corsou, Van Engelshoven di Hulanda y Samuel di Sint Maarten. Pa Cultura tabata tin riba agenda e trabounan haci riba e tereno di Herencia Cultural Intangibel, Herencia Cultural Subaquatico, y Investigacion y Documentacion por medio di un Fondo pa Cultura. Banda di e topiconan aki Ministernan Maduro y Croes a pidi atencion pa educacion cultural bira tambe un tema pa wordo trata den e plataforma di cooperacion aki.

Aruba ta coordina e tema Fondo pa Cultura

Mester menciona cu Aruba ta coordina e grupo di trabou pa traha e plan pa realisa un Fondo Cultural special pa investigacion y documentacion. Den cuadro di esaki Ministerio di Cultura a haya e aporte necesario di AIB-Bank y Banco Central di Aruba cu a comparti nan experticio y experiencia den maneho y administracion di e Fondo di Desaroyo di Aruba (FDA). Durante e encuentro e ministernan di cultura unanimamente e aproba e memorandum cu e palabracionnan pa por sigui traha riba e fondo pa cultura. Un fondo cu sigur por contribui enormente na proteccion y conservacion di herencia cultural di tur seis isla cu ta forma parti di Reino Hulandes. E fondo lo ta tambe un sosten grandi den e desaroyo di un sistema di educacion cultural riba e islanan y tambe na Hulanda den cuadro di intercambio di conocemento cultural.

Hulanda lo debolbe herencia cultural colonial

Minister Van Engelshoven di Hulanda a participa cu Conseho di Cultura di Hulanda a traha e raport Koloniale Collecties en Erkenning van Onrecht. Ta trata di e reconocimento y recuperacion relaciona cu e inhusticia cu a tuma luga durante di e Periodo Colonial, pa medio di apoderacion di e patrimonio cultural di colonianan Hulandes. Lo institui un comision cu lo haci investigacion pa identifica e herencia colonial y pa prepara un plan con lo repatria y conserva e herencia aki den e respectivo museonan local.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio