Home Police Dos hoben a cende un Suzuki Alto na candela diadomingo anochi

Dos hoben a cende un Suzuki Alto na candela diadomingo anochi

SHARE

Caya Tumba – Diadomingo anochi 10’or pasa polis a haya informacion cu lo tin dos homber bezig ta bay kima un auto.

Tur esaki tawata pasando panort di Citgo Sasaki poco pariba di e containernan.

Lamentablemente na yegada di polis ya e dos personanan aki a pega e Suzuki Alto na candela y mas cu claro ya no tawata na e sitio.

Mesora a pidi pa brandweer, pero e agentenan na e sitio mes a haya slang di awa di un habitante y a cuminsa paga e candela.

Asina mes brandweer a yega y a controla tur cos y no tawata tin mester di haci nada mas.

Segun e habitante e lo a mira dos hoben cu short bisti y sweaters. Despues di e acto ambos a bandona e sitio.

Polis a tuma tur dato posibel y mesora a cuminsa core rond pa mira si e ta topa cu e dos personanan aki pero sin resultado.

Aki ta trata di un caso sumamente serio, cu si ta bon lo bay haya un rabo.