Home Local ASTRID VRIES: E CAUSA DI VIOLENCIA HUBENIL

ASTRID VRIES: E CAUSA DI VIOLENCIA HUBENIL

SHARE

 

Ultimo dianan nos por a mira cu Violencia a escala y cu mas y mas hobennan ta involve den violencia. Pa es motibo ey ta necesario pa nos compronde e causa di Violencia Hubenil y wak con nos por traha riba prevencion. 

Riba cualkier dia determina den estado Unidos y tur parti di mundo inclui riba nos pais bo lo hanja un storia den noticia tocante di violencia di hobennan. Sea cu e ta violencia riba caja, bullying, of un tiramento den scol, nos hobennan riba nos pais ta plega cu plaga door di e comportacion violento.

E asociacion di psicologo mericano (APA) ta defini violencia di hobennan manera un forma extremo di agrecion cu un meta di danjo fisico, herida, of morto. Ehempelnan di violencia hubenil ta inclui tambe cita di violacion. homicidio, y violencia den gang. 

Pa mayornan y educadornan di adolecentenan, e ta importante pa reconose cu e tiponan di comportacion violento ta prevalente. Den echo, homicidio ta e terser causa cu ta lidia den morto meimei di muchanan jong di edadnan 15 te 19 den estado unidos di acuerdo cu e centro di control di malesa (CDC)

Consecuentemente, mayornan y educadornan mester participa activamente den preveni  violencia hubenil den e bida di adolecentenan. Pa haci esaki, e ta importante pa compronde kiko ta causa violencia meimei di e adolecentenan.

Influencia di Media 

Investigacion ta indica cu violencia den e media ta influencia adolecentenan y por causa nan pa actua agresivamente. Aunke e ta difisil pa determina sea of violencia den media ta lidia directamente na violencia hubenil, estudionan a mustra cu na hunga weganan di videonan violento ta crece pensamentonan y comportacion agresivo.

Den echo, un studio a hanja cu weganan di video no solamente ta escala comportacionnan agresivo. Nan tambe ta crece pensamentonan di rabia, asina tambe ta aumenta e tasa di curason (e ta aumenta e frecuencia cardiadico) y e presion di sanger di e participantenan.

Mientras tanto, e weganan di video ta disminui e“ajudo di comportacionnan” y redusi sentimientosnan di empatia. Y ainda mas, usadornan di weganan di video violento ta entendi pa interactua cu otro adolecentenan cu tambe ta agresivo, dencual ta haci nan sinti asepta y valida pa nan pensamentonan y sentimientosnan.

Mientras cu weganan di video ta hanja e mayoria di atencion, violencia den media no ta limita nan weganan di video. Medianan violento tambe por inclui e internet, television, revistanan, peliculanan, musica, propaganda, social media, y mas. Basicamente, media ta consisti di cualkier cos bo adolecente ta mira, tende, of ta interactua cune.

 

Comunidad y Barionan

Den lugarnan unda cu adolecentenan ta biba por tambe tin un impacto riba nan y lidianan pa actua di e manera mas agresivo. E CDC (e centro di control di malesa) ta senjala varios factornan di risico comunitarionan pa violencia hubenil, cu ta inclui oportunidad economica redusi, nivel halto di delincuencia, y vecindarionan socialmente disorganisa.

Aserca, investigadornan a mustra cu violencia hubenil por bira a forma di “ Husticia riba caja” den contesta di e falta di protecion di polis den algun barionan of vecindarionan. Ora cu esaki ta sosode, e adolecentenan por purba proteha e vecindario na utilisa e violencia manera un forma di pone order den e area. Como resultado e violencia hubenil hopi biaha ta manifesta manera un gang di violencia, gueranan di teritorio, guera di arma y otro tiponan di violencia.

Ora cu adolecentenan ta biba den barionan of vecindarionan cu dificultadnan socioeconomico, nan por sinti cu e unico opcion pa sobrevivi ta na uni cu gangnan of participa den actonan di violencia. Ora cu e linja di pensamento aki ta e norma, e ta probabelmente cu e adolecentenan ta actua den forma agresivo y participa den comportacionnan violento.

Violencia Domestica y Abuso di Mucha

Muchanan cu ta biba cu violencia den cas ta sinja door di ehempel y por comberti den personanan violento segun cu nan ta crece. Nan tambe ta mas manera pa experiencia violencia den ora di cita (date) como adolecente, sea como un victima of un agressor.

Otro factornan contribuyente ta inclui e estilo di parental estricto, huntu cune e caos den e cas, negligencia, y rechaso.. cada un di e situacionnan aki por lidia na violencia hubenil mas despues den bida pasobra di e falta di stabilidad y e structura den e cas. Na ta violento ta duna adolecentenan un sentimiento di poder y control – algo cu nan tin falta na cas.

Pa combati e risico, e ta importante pa mayornan cosidera nan estilo di parental y haci ahustamento den orden pa redusi e probabilidad di wak violencia den e bida di nan adolecencia (nan yiunan) mas despues. Educadornan por presta sosten door di ofrese tayernan di parental (workshops)

Si abo ta experienciando violencia domestica, abo por hanja judansa door di tuma contacto cu e fundacion cu ta maneha esaki y tambe hotline

Insuficiente supervicion parental (No tin suficiente Supervicion di parti di mayornan)

Ora cu mayornan no ta proporciona supervicion adecuado, adolecentenan ta propensa pa compromete nan mes den comportacionnan violento of actividadnan criminal. Sin un supervicion di un adulto, adolecentenan no tin e recursonan cu nan mester pa haci bon escogencianan of pa reconose e risiconan.

Consecuentemente, e adolecentenan aki ta entendi pa haci of sera amistadnan cu e personanan robes, tuma e risico no necesario, y experimenta cu cosnan cu un mayor involvi no lo permiti, ora cu mayornan ta muchu permisivo, nan muchanan hopi biaha tin nignun motivacion pa haci bon den scol y por hasta stop di ta interesa tocante di nan  futuro.

Den su completo, e adolecentenan tin mester di un displina firme y husto y un interaccion constante cu nan mayornan y tambe nan direccion. Ora cu mayornan ta tuma un rol activo den bida di nan adolecentenan, e ta redusi e probabilidad di violencia hubenil. 

Precion di Paar

Precion di Paar ta hunga un rol esencial den violencia hubenil, specialmente pasobra muchanan ta mas manera di compromete den risico of comportacion violento ora cu nan ta actua manera den grupo. Adolecentenan kende cu normalmente lo no ta agresivo of violento riba nan mes hopi biaha ta sinti enpodera ora cu nan ta den grupo.

Aserca, adolecentenan ta mas manera di ta violento of agresivo ora cu nan ta sinti preciona. Nan tambe por bira violento den orden pa mantene nan lugar den e grupo. Precion di paar por lidia na compromete den tuma risiconan den comportacion.

Uso di Droga y Alcohol

Uso di Alcohol y Droga for di hopi tempo tawata asocia cu e risico pa violencia hubenil. Ambos uso di alcohol y droga por crece e agrecion y redusi e miedo, dencual ta crece e probabilidad di violencia hubenil.

Mientras cu usualmente adolecentenan ta compromete den droganan recreacional y uso di alcohol pa sinti bon, prolonga e uso di droganan ilicito hopi biaha ta trese tocante sentimientosnan di deprecion, rabia, y frustracion. E sentimientosnan aki por e ora lidia un adolecente pa exhibita comportacionnan di agression y rabia

Eventonan Traumaticonan

Na lidia cu eventonan traumaticonan tambe por causa comportacion violento den adolecentenan. Por ehempel, adolecentenan kende cu a perde un amistad den un accidente di auto cu nan tambe tawata involvi aden hopi biaha ta rabia na e echo cu nan tawata esun cu a sobrevivi of a biba.

Pa motibo di rabia ta un etapa normal di tristesa, e explocion di violencia for di e adolecentenan por mustra hustifica. Pero mientras cu rabia ta un emocion normal, e no ta normal pa ta violento na un otro persona. Ora cu violencia ocuri, e mester semper ta adresa.

Adolecentenan kende ta exhibita senjalnan di trastorno di stress posttraumatico (PTSD) por ta propensa na violencia. explocion di violencia ta tipicamente di PTSD, y si laga sin trata, e por manifesta den significante situacionnan violento. Pa e rason aki, e ta extremadamente importante pa adolecentenan cu PTSD pa hanja e aseroriamento y intervencion cu nan tin mester

Posttraumatic stress disorder (PTSD) e ta un desorden psichiatrica  cu por ocuri den personanan kende cu a experiencia of a testigua un evento traumatica manera un disaster natural, un accident serio, un acto di terorismo, Guerra, combate, of violacion of kende cu a wordu menasa cu morto, violencia sexual of heridanan serio. PTSDy Trauma ta impacta e muchanan den scol.

Enfermedad Mental

Enfermedad Mental ta un otro causa di violencia meimei di hubentud

E condicionnan cu ta inclui e trastorno pa deficit di atencion/desorden den actividadnan hyper (ADHD), bipolar, e trastorno oposionista desafiante (ODD) y e trastorno di comportacion (conducta) agresivo of sentimientosnan di rabia manera sintomasnan comun.

Enfermedad mental di adolecentenan tin biaha ta sconde tras di otro causanan di violencia hubenil. Por ehempel, un adolecente cu desorden bipolar por ta usando droga. Si e adolecente aki bira violento, e uso di droga por sconde e echo cu e enfermedad bipolar ta parti di e causa.

Pa e rasonnan aki, e ta importante pa si adolecentenan ta compromete den comportacion violento wordu evalua pa un enfermedad mental. Door di trata e persona totalmente den lugar di djies trata e sintomanan, abo ta mas manera di redusi e risico di extra explocion di violencia.

Violence mester STOP. Nos tur tanto hende homber y hende muher – mester lanta para y lag abo voz rezone y educa nos muchanan cu violencia ta nunca e solucion. Huntu nos por haci un diferencia. E mihor lugar pa cuminsa ta cu bo mes. Nos por y nos lo haci, Stop e Violencia.Mi ta kere cu ora cu nos ta papia di violencia hubenil, nos ta papia tocante di muchanan kende cu no tin oportunidadnan, asina ta cu nan ta compromete den un cierto grado di anarkia of desorden, pasobra nos como Sociedad a fayanan. Ban laga nos crea oportunidad pa nan pa sobra nan ta nos futuro generacion.