Aruba Bank a haci entrega di thermo pa muchanan di scol Pa tur muchanan den necesidad cu ta bishita un scol di SKOA

Oranjestad – 12 di januari 2021 – Stichting Katholiek Onderwijs Aruba (SKOA) man den man cu Aruba Bank ta zorg pa muchanan mas vulnerable cu ta atende scol di SKOA ricibi thermo nobo.

Esnan cu lo ricibi e gesto di parti Aruba Bank ta muchanan vulnerabel na Aruba y esnan cu a haña nan mes den circunstancianan di bida particularmente dificil durante e pandemia di Coronavirus.

Den cuadro di nos responsalibidad corporativo social, nos ta sumamente contento di por contribui na salud y bienestar di e grupo di hobennan. Sra. Lisi Paris di Stichting Katholiek Onderwijs Aruba (SKOA) a acepta e donacion di Aruba Bank, Dialuna mainta na e oficina principal di SKOA.