Home Local AHATA: Perdida ta continua pa companianan cu ta depende di turismo

AHATA: Perdida ta continua pa companianan cu ta depende di turismo

SHARE

 

 

ORANJESTAD, Aruba – 10 di januari 2020:  Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna, y ta raporta cu na december tampoco por a yega nivel di break-even. Ocupacion di hotel a crece un tiki compara cu e luna anterior, pero e aña ta cera cu ocupacion na 32% di nivel normal y perdida historico pa companianan den e sector. 

 

DECEMBER 2020:

 

  • Ocupacion: E ocupacion na hotelnan tabata 34.9%, un caida di 58% compara cu aña pasa. 
  • ADR: E balor averahe di cada camber bendi den December a baha cu 19% compara cu un aña pasa, yegando $276.05. 
  • RevPAR: E entrada averahe pa tur camber disponibel tabata $96.39, representando un reduccion di 66% compara cu e mesun luna aña pasa. 

 

AVERAHE 2020:

 

  • Ocupacion: E ocupacion averahe pa henter aña 2020 ta 26.9%; un reduccion di 68% compara cu 2019.
  • RevPAR: E medida principal pa industria di turismo, esta e entrada averahe pa tur camber disponibel ta $86.54 na 2020. Un reduccion di 63% compara cu aña pasa. 
  • Ingreso di sector hotelero a baha cu 62% na 2020. 

 

PROYECCION: 

 

Proyeccion actual pa ocupacion averahe di hotel ta: 30% na Januari y 32% na februari. Expectativa pa 2021 su ocupacion a baha un tiki y ta proyecta actualmente na 42%. E nivel di ocupacion proyecta ta nifica un recuperacion di 50%.

 

TIMESHARE:

 

E propiedadnan Timeshare a experiencia un ocupacion averahe di 56% na december y un averahe di 37% pa completamente aña 2020. Proyeccion pa januari ta 63%. 

 

Hotelnan miembro di AHATA: Amsterdam Manor Beach Resort, Barceló Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Paradera Park, Renaissance Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel.

 

Timeshare miembronan di AHATA: Divi Aruba Phoenix, Divi Dutch Village, Divi Village Golf, La Cabana, Marriott Ocean Club, Marriott Surf Club.