Home » Rudy Richardson (MEP): AÑA DI RECUPERACION PA ARUBA 2021

Rudy Richardson (MEP): AÑA DI RECUPERACION PA ARUBA 2021

by Admin
0 comment 77 views

 

 

Nos digno pueblo di Aruba a pasa den un aña cu hopi reto tanto riba tereno economico, social y sigur mental y cu mundo ta den un pandemia desde maart 2020 (Act of God). Gobierno di Aruba lidera pa Sra. mr. Evelyn Wever Croes a sa di goberna bao circumstancianan hamas bisto den nos historia politico desde cu nos a bira un pais Autonomo den Reino Hulandes. Ta tiki gobernante ta hereda un pais cu un debe rond di 93% debt-to-GDP cu deficitnan di 400 miyon pa aña. Den tres (3) aña nos gobierno actual a soluciona problemanan di pais Aruba desde 2017 pero a maneha nos pais na un manera responsabel. Prome cu pandemia tabattin un debe alrededor di 73% cu un surplus di 46 miyon den presupuesto di 2020. Pandemia mundial (Act of God) a dal nos duro y a buta nos completamente na suelo cu deficitnan di mas di 1 biyon florin. Riba e debe astronomico di e gobierno anterior na PPP-projecten so nos ta pagando anualmente 90 miyon pa aña y pa cual e proximo 25 añanan nos pueblo tin cu sigui paga. Gobierno ta continuacion aunke esnan cu a haci e desaster aki ainda ta pretende di por bin bek den gobernacion Arubano.

 

Cos di hari ora ex Prome mandatario di Aruba Sr. Eman ta expresa: “Cu su partido ta mira demasiado sufrimento den pueblo, esnan cerca di gobernacion tin otro mentalidad  p’e austerisacion cu mester tin den solidaridad cu pueblo”. Anto na mesun momento Minister di Relacionnan di Reino Sr. Knops ta expresa cu: “Afgelopen 8 jaar (van het kabinet Eman) is de nationale schuld verdubbeld, niet dragelijk voor een klein eiland.” Pues tur hende cu un tiki senti sa cu ora bo endeuda un pais cu un economia chikito e no por sali afo mas, of por lo menos lo tuma minimo cinco gobierno pa drecha e desaster cu Sr. Eman a laga atras. Ta tristo con un notario ta tuma full un pueblo haci cu su locura y mal maneho di 2009-2017.

 

Aña 2021 ta e aña di recuperacion, den tur sentido. Recuperacion economico, turismo lo mehora y nos lo concentra riba otro industrianan pa crea mas cupo di trabao pa nos pueblo den su totalidad. Esaki lo hiba na recuperacion financiero den tur hogar aki na Aruba. E aña aki lo ta recuperacion di enseñansa pa loke nos yiunan a perde aña pasa, recuperacion den bringa e crisis social cu mas determinacion. Recuperacion laboral cu creacion di mas cupo di empleo despues cu nos clase obrero a pasa den momentonan sumamente dificil. Nos lo lucha pa mehora condicionnan di trabao. Nos por a wak cuanto abuso a pasa den mercado laboral pero tambe tabata tin companianan ehemplar cu a paga nos trahadornan Arubiano 100% di nan salario. Y principalmente recuperacion riba tereno di salud nos eterno agradicimento na nos frontliners cu a traha cu alma y curpa pa cu salud publico. Gabinete Wever Croes no ta manipula pero cu hechonan concreto ta gobernando y ta pidi nos pueblo den su totalidad pa sigui cuida nan mes y esnan cu nos ta stima. Aruba ta conta cu nos tur pa su recuperacion den aña 2021 awor mas cu nunca. “Un pueblo uni, hamas por ser hundi.” Libertador di Aruba Betico Croes. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio