Home History of Aruba Historia di Aruba: Riba un dia manera awe 4 di Januari

Historia di Aruba: Riba un dia manera awe 4 di Januari

SHARE

Compilacion di algun suseso cu a pasa riba 4 di Januari

04 januari 1955: Homber chines a estafa un otro chines 1400 florin
Polis a detene un chines pa estafa un otro. E Chines M.W.L. biba na San Nicolas kier a cuminsa cu su mesun negoshi despues di añanan largo pa algun restaurant como kokie. Su hefe L.K.H. tambe un chines, tabata ta bon amigo cu un otro chines cu tin un negoshi cu ta importa productonan di come y tambe sigaria.

E M.W.L. a yega na un acuerdo cu e comerciante, kende tabata bon amigo di su hefe y nan lo a entreg’e sigaria y diferente provicion etc. M.W.L. a tuma `1400 florin na producto y aparentemente e debe lo a wordo poni riba nomber di su hefe. Ora a yega e momento di paga ni M.W.L. ni su hefe L.K.H. no kier a paga. NO a keda e importado/ comerciante nada otro di bay polis. E la pidi polis pa regla e cuenta aki p’e. Un recherche a bay cerca M.W.L. pa regla e cuenta aki. M.W.L. a admiti mesora cu e productonan cu e la busca, e mes a uza nan y e kemen nan a puntre unda e ta traha, e la haye obliga di duna nomber di su hefe y esaki lo a trece confusion. Polis no a kere niun palabra di M.W.L. y a dicidi di cere pa estafa.

04 jan 1970: Caso di hincamento na San Nicolas.

Diadomingo den oranan di merdia un homber J. di 38 aña a yega na cas di su suegra. J. tabata pata pata burachi, ora cu J. a cuminsa haci hopi fastioso na e cas. E swa P. di 29 aña a cansa y a dicidi di bis’e pa e bay for di nan y a sak’e pa fo di e cas. E homber J. a rabia masha hopi y a bay pero e la bin bek. Manera cu su swa a bolbe bis’e algo ela yega hinca su swa cu un cuchiu den su barica.  E swa P. di 29 aña a keda gravemente herida y cu hopi urgencia e la worod hiba hospital y mesora a wordo hinca den camber di operacion. E Homber J. a keda deteni pa polis.

04 di januari 1980: A pidi 2 aña di castigo di prison pa un homber cu a asesina su ruman.


Diabierna 4 di januari 1980 Fiscal a pidi dos aña di castigo di prison, kitando e tempo cu e homber tabata cera. Riba 29 di april 1979 A.A.(48) a asesina su ruman Pedro Nicolas Maduro cu un cuchiu. Segun e officier a conclui cu no tin prueba palpabel cu A.A. tabata tin un plan pa asesina su ruman, maske e la hinka na su curason. Segun oficier e tabata intencional na momento cu e victima a dal’e ruman mande vloer,  anto e ora e la coi un cuchiu. E victima tabata hopi raso y e ruman tambe lo a bin hopi rabia y e victima  a bin straight riba e cuchiu y a hinka su mes. Tabata tin dos testigo pero nan no a mira cu A.A. a hinca su ruman. Nan a mira cu despues cu e victima a bay riba su ruman ela keda tur na sanger.  E abogado tambe a pidi un castigo menos . E hincamento a tuma luga den cura di cas di un otro ruman na Soledad. Na cas di D.A.

04 januari 1981: Marihuana a wordo haya abordo di e barco di carga “Solomon”


Na yegada di e barco di carga “Solomon” e capitan a informa e doño na Aruba cu abordo di e barco nan a haya marihuana. E doño mesora a pidi pa presencia di polis y douane pa controla e barco. Durante e control abordo nan a uza un cacho ” Duke” getrain pa e trabou aki. Durante control abordo polis a bin haya 3 liber di marihuana. Algun persona a keda deteni pa interogacion. Entre nan un colombiano cu algun luna prome a hay’e den problema cu polis na Aruba, segun e ta bisa e la wordo maltrata pa un recherche.

04 januari 1981: Douane a habri maleta cu tabata rand rand yena cu marihuana


Dia 04 di Januari a dicidi di habri un maleta cu tabata tin algun dia caba na airport y pa douane nan sorpresa den e maleta nan a bin topa cu 25 kilo di marihuana di bon calidad (“golden”). E maleta tabata rand rand yena cu marihuana. E maleta a keda confisca pa mas investigacion. Algun dia prome pasaheronan procedente di Colombia a yega Aruba y tur a busca nan maletanan, pero un maleta a keda atras. Na prome instante a pensa cu un pasahero a lubida un di su  maletanan. Dianan a pasa y niun persona a reclama e maleta aki.