Home Local Prediccionnan pa 2021, nos ta cla p’e

Prediccionnan pa 2021, nos ta cla p’e

SHARE

Prediccion 2021, pa mundo y pa Aruba.

E siguiente ta un pronostico pa e aña venidero cu Aruba Native a ricibi for di un clarividente local.  

– Covid-19 a trece hopi instabilidad y problema financiero. Lo tin hopi pobresa y hopi negoshinan cu lo bay sera. Paisnan grandi mes lo sufri di pobresa.

– Algo lo aparece o presenta pa trastorna y tenta mundo.

– Lo tin descubrimentonan nobo cu ta na fabor di humanidad. E por ta algo cu ningun hende a kere lo ta posibel.

– Escandalo den un gobierno pa motibo di adulterio. Un mandatario lo haye den problema pa es motibo, y mundo lo haya sa esaki.

– 2021 por bira un aña di guera. Un pais poderoso lo perde su poder y influencia. E pais aki lo por bay wordo domina (o lidera) pa di un hende muher.

– Memey aña e situacion na mundo ta mustra di lo por bira stabiel y cu alegria. Lo tin hopi mas caso di refugiadonan si. Hende lo mester huy di nan pais natal pa bay un pais mas rico pa asina tin un miho bida.

– Ta mira un temblor fuerte di riba schaal 8 di Richter lo sosode na un parti mundo, esaki lo ocasiona un tsunami enorme cu lo laga hopi daño material.

– Dos pais enemigo lo bay sera pas y bira aliado di otro.

– 2021 lo scucha hopi noticia di un grupo (un culto) cu ta papia di fin di mundo. Nan lo bin cu un fecha pa esaki tambe, pero e ta un grupo lidera pa un hende cu no ta mentalmente stabiel.

– 2020 tawata un aña di pandemia, pero 2021 lo ta un aña di desaster natural unda hopi bida lo ser perdi.

– Cambio di clima lo causa cu 2021 lo ta hopi mas calor ainda pa algun pais, y pa otro pais e lo ta hopi mas friu cu normal ta spera.

– Lo tarda hopi prome mundo bira stabiel bek.

– Gobierno di paisnan lo ta sumamente ocupa pa cu e virus. 2021 ainda lo ta invertiendo miyones y alabes perdiendo hopi placa pa combati e virus.

– Lo bin un otro vacuna o remedi nobo cu lo revoluciona mundo. E lo por tin di haber cu con lihe bo e celnan humano ta envejece.

– Ta bay tin hopi desaroyonan riba tereno cientifico. Ciencia lo bay avansa na un manera masha rapido mes.

– Ta bay descrubi un manera unda por comunica o compronde cierto animal.

– Un miembro di un monarkia lo  fayece, y lo mester wordo reemplasa pa un otro.

– Un persona den farandula lo wordo encarcela pa motibo di fraude financiero.

Aruba

– Hulanda lo haci hopi dificil cu Aruba pa locual ta negosacion o sosten den e periodo aki. Na final ta mustra si cu lo tin stabilidad den e relacion entre e dos paisnan.

– Den e delaster 8 lunanan di campaña lo tin hopi obstaculo cu lo stroba partidonan, e lo no cana facil o ‘smooth’ manera antes.

– Ta premira cu algun figura importante den Aruba su politica lo bay separa o divorcia di nan pareha.

– Lo ta bay tin algun protesta durante e temporada di campaña, orkestra pa un ‘grupito’ cu lo kier trece descordia.

– Un figura cu hopi poder y cu contactonan clave cu Hulanda lo haye den un o mas escandalo.