Home Police Dos establecimento a wordo cera pa viola reglanan relaciona cu Covid-19

Dos establecimento a wordo cera pa viola reglanan relaciona cu Covid-19

SHARE

Palm Beach: Diamars den oranan di anochi durante un control di e team special relaciona cu Covid-19.  E controlnan, na e momento ey, tabata wordo haci na e establecimento den area di hot zone.

Durante e control na Sandbar, a bin comproba cu e establecimento aki no tabata manteniendo su mes na e reglanan y mesora a dicidi di cera e bar aki. Tambe den South Beach Mall e team special a cera un otro establecimento cual ta The Salloon cu tampoco no tabata tene nan mes na e reglanan relaciona cu Covid-19. Muy probablemente nan lo por bay keda cera “tot nader order”

Diamars durante e conferencia di prensa Alto Comisario Vanessa Tjong- Kock a pone enfasis tambe riba e doñonan di e establecimentonan pa nan mantene nan mes na e regla y si acaso polis drenta den un establecimento y bin ripara cu nan no ta manteniendo nan mes na e reglanan stipula, e establecimento aki ta wordo cera y no ta asina cu pa su mañan nan lo por habri bek. Nan ta wordo cera tot nader order, te na momento cu nan lo por cumpli cu e reglanan.