Oranjestad Aruba 30 december 2020. Aña 2020 a resulta den un aña unda miedo, angustia y tristesa a toca na porta di hopi persona rond di mundo y tambe na Aruba.
Un epidemia ocasiona pa un virus desconoci cu a conduci na un crisis mundial, unda nos dushi Aruba como isla chikito a keda grandemente afecta.
Aña 2020 sigur a trece momentonan dificil, pero tambe a trece aprendizahe. Ela siña nos e balor familiar den tempo dificil, ela siña nos con importante nos salud y higiena personal ta, ela siña nos solidaridad pa cu nos prohimo cu no tin nada, y e mas importante, ela siña nos cu ora nos ta uni pa logra un solo meta, nos ta mas fuerte!
Pa e dianan di fiesta venidero, Departamento di Salud Publico kier desea comunidad completo dushi dianan di fiesta!
Disfruta esaki den union familiar, teniendo na cuenta cu tur regla vigente di proteccion contra Covid-19; di e forma aki nos ta sigui controla e plamamento di e virus di Covid y disfruta sanamente den union familiar un otro Pasco y un Aña Nobo yena di salud, amor, positivismo y determinacion pa sigui padilanti den aña 2021.
Feliz Dianan di Fiesta Aruba ta e deseo di e Departamento di Salud Publico!