Home Police Candela di un airco a causa panico pa habitante di e cas

Candela di un airco a causa panico pa habitante di e cas

SHARE

Piedra Plat – Diamars den oranan di merdia pa atardi polis y brandweer a wordo pidi cu urgencia pa un cas na candela na Piedra Plat.

Na yegada polis nan no a constata ningun cas na candela, pero parti patras di e cas si tawata tin huma.

Doño di e cas lo tawata tin miedo di bay patras di cas, debi cu lo tin boter di gas. Algun mucha eybanda lo a avisa cu e Airco tawata saca huma. Tambe e sonido fuerte cu a wordo scucha a sali di e airco, unda cu un waya y tambe e compressor lo a daña.

Hopi biaha esaki por pasa, esta cu tin waya cu por causa kortsluiting y pega candela. 

Brandweer na yegada e bomberonan a paga e candela chikito na e airco. Polis mester a pidi presencia di Slachtofferhulp pa combersa cu e habitante cu a keda hopi spanta di loke a pasa.