Home » Tur dia polis mester haci trabou di babysit na Linnearpark

Tur dia polis mester haci trabou di babysit na Linnearpark

by Admin
0 comment 71 views

Oranjestad: Despues di e prome ola di Covid19 cu Gobierno a duna permit pa bar restaurantnan habri bek. Polis nan casi tur dia tin cu haci trabou di babysitter pa algun persona cu no ta compronde e reglanan stipula pa Crisisteam.

No ta e negoshinan riba Linnearpark ta e problema, pero e parkinglot cu ta wordo ocupa pa gruponan grandi di hende. E hendenan aki ta staciona nan auto riba e parkinglot, nan ta toca musica duro y cu ice jugs cu bebida, nan ta sinta, te hasta algun biaha cu bailamento tambe. Mientras e establecimentonan riba Linnaerpark ta cera 11’or, e fiestamento riba e parkinglot ta sigui cu musica duro saliendo for di e autonan, hende sinta canto di caminda, otro ta baila, bebemento di alcohol na ordo di dia, draaimento di brommer y auto hopi biaha a bira un actividad tambe dilanti Linnaerpark.

Tur dia polis ta haya keho di molester di musica duro y mesora varios patruya di polis ta wordo manda direccion di Linnaerpark pa asina exigi e multitud aki pa bandona e sitio. Ora cu tur hende bay for di riba e parkinglot polis ta sigui su caminda, pero no ta dura hopi cu algun di e personanan aki ta bolbe bek y para na e mesun caminda pa asina sigui cu nan fiesta. Un situacion hopi fastioso cu tur anochi, e polisnan enbes di ta uza nan tempo pa kita algun criminal for di caminda, nan ta man yen cu algun persona cu no ta respeta e reglanan stipula pa Crisisteam.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio