Tanki Leendert – Diadomingo anochi 10’or pasa polis di Noord ta topa cu un accidente di trafico pariba di Ruiz Take Away. Ariba caminda tawata tin un brommer benta y e motociclista banda di dje.
Mesora agentenan a cuminsa averigua kiko a pasa .
A resulta cu e brommer cu ta un Hayabusa a dal tras di un Ford Transit color blau.
E Ford no a keda na e sitio y a sigui bay.
Un persona a core bay unda e motociclista tawata benta y a cuminsa duna señal cu su mannan pa trafico biniendo di pariba.
Esta pa pone atencion cu tin hende herida ariba caminda.
Polis a cera dos t-kruising, cu a haci cu trafico biniendo di pabou pa direccion Paradera mester a bira y vice versa, esnan bayendo Tanki Leendert tambe mester a tuma otro caminda.
Na yegada di Ambulance e Paramediconan mesora a trata e motociclista cu tawata na tino y a pone ariba stretcher pa despues hinke den ambulance.
Caminda a keda cera pa basta rato te ora departamento di trafico a caba cu nan investigacion.
Unda cu takelwagen a wordo pidi pa hiba e brommer cu no tawata tin plachi number ariba dje.
