Home » MIKE EMAN NOMBRA DEN E RAAD NOBO DI RAAD VAN ADVIES DI E ASOCACION HULANDES DI NACIONNAN UNI (NVVN)

MIKE EMAN NOMBRA DEN E RAAD NOBO DI RAAD VAN ADVIES DI E ASOCACION HULANDES DI NACIONNAN UNI (NVVN)

by Admin
0 comment 70 views

 

E Raad van Advies nobo di e Asocacion Hulandes di Nacionnan Uni (UVVN) a keda instala na ocasion di e di 75 aña di Nacionnan Uni.  NVVN ta honra di por yama bonbini como miembro un grupo di persona sumamente califica.  E Raad van Advies nobo lo conseha e NVVN y contribui na e metanan di NVVN pa asina mas tanto ciudadano di Reino Hulandes ta keda informa y concerni kico e trabou di Nacionnan Uni ta encera. 

Presidente di NVVN, Simone Filippini: “Nos Raad van Advies ta di vital importancia pa nos, pa amplia nos conocimento y enforsa e discusion entre ciudadano y politiconan y profundisa encuanto e interes y urgencia di paz, desaroyo socio-economico, e derechonan y oportunidadnan pa un y tur tanto na Hulanda como pafo di Hulanda. 

Nos tur ta co-responsabel pa e futuro. Ningun hende por depende di otro pa soluciona nan problemanan. Esey ta nifica cu cada un di nos mester contribui cu su granito di arena. Nos tin solamente diez aña pa realisa e Metanan Sostenibel Duradero di Nacionnan Uni (SDGs) y si nos nos no tuma accion awo, esaki no ta logra”.  

Ampliacion den Reino

De NVVN a bisa di ta desea pa cambia e enfoke di un Asosacion Hulandes pa un Asocacion di Reino (Association for the Kingdom of the Netherlands), den UNA-KNL.

Filippini: “Nos tin hopi di ofrece otro dentro di Reino, hustamente pasobra nos ta den diferente regio den mundo. Con miho y consolida nos lo ta si nos pone nos forsanan hunto. 

Pesey nos a invita tres fantastico representante di Aruba, Corsou y Sint Maarten (Eman, de Jongh Elhage, Wescot-Williams), pa ta parti di e Raad van Advies; un invitacion cu nan a tuma cu masha entususiasmo. Den e periodo nos dilanti nos lo papia con nos ta bay establece un UNA-KNL.”

Ex Prome Minister di Aruba, mr. Mike G. Eman, ta un di e miembronan cu a asumi un posicion den e Raad. E ta haya su presencia den e Raad un honor y un grato placer. 

Eman: “Mundo, nos paisnan y poblacionnan tin un necesidad urgente pa tin metanan conhunto tras di cual nos por para pa por sobrepasa e Corona crisis y tambe pa hunto tuma encargo di retonan global. Nos mester di puntonan di enfoke di solidaridad pa hunto traha na un mehoracion duradero di nos bienestar y prosperidad. Pa esaki Nacionnan Uni ta ofrece un plataforma importante. Paisnan dentro di Reino tambe tin mester di metanan comun, un vision na unda debidamente ta tene cuenta cu e interesnan di tur partner, pero tambe unda den forma explicito ta bay en busca di loke ta uni nos cu ta partnernan den Reino. Un procedimento, los di frustracionnan historico, ta habri posibikidadnan pa mas cohesion dentro di Union di Reino.”

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio