145
Durante Henk Meijer su estadia na Aruba pa duna training na e rumannan Klabér el a bishita Toko Winklaar di AweMainta, Edmond Croes di Solo di Pueblo y Ulisses Maduro di Blue Fm 107.5. Tur medio tabata tin e mesun interes pa sa kiko Henk Meijer a bin haci na Aruba y dicon e ta scoge Aruba, mientras cu na Europa of otro parti di Mundo tin hopi mas interes pa Henk Meijer por eherce su funcion y na un grupo hopi mas grandi na unda cu tin mas placa ariba mesa.
Henk Meijer a bisa cu placa no ta tur cos y cu esaki ta un proyecto chikito cu el a acepta pa haci dia cu Klabér a acerca su persona pa duna un man cu Brazil Taekwondo Stichting. Henk Meijer su prome idea pa e muchanan tabata pa bay Korea un dia. Tur cos cu Henk Meijer a precedi pa haci, a wordo cumpli, pero no tur biaha tur cos a cana suave.
Taekwondo a cambia masha hopi mes den e ultimo añanan y awo ta haci uso di electronica y tur dia tin cambionan y nos mester mantene nos mes na e cambio y desaroyonan. Henk Meijer a bin ta preparando e muchanan pa e futuro cu e speransa di yega na e top.
Henk Meijer ta hopi gradici pa e atencion cu e ta haña door di Prensa aki na Aruba cu ta mustra masha hopi interes den su persona y Taekwondo. Henk Meijer a hiba un entrevista hopi intensivo cu Ulisses Maduro cu a biba na Hulanda y cu ta conoce hopi di e mundo di gevecht sport na Hulanda y esaki a haci e entrevista hopi interesante. Henk Meijer a sigui bisa cu Aruba a bira su cas y cu tur aña e ta bin Aruba pa train e muchanan, pero normalmente nan ta bin Hulanda na luna di December y Juni pa camp training y campeonato. Manera cu cos normalisa y e mundo di Taekwondo bin cu e plan di campeonato, nos lo sigui cu nos plannan.