Home Local Aruba Bank cu regalito pa full staff y personal di Dr. Horacio...

Aruba Bank cu regalito pa full staff y personal di Dr. Horacio E. Oduber Hospital

SHARE

 

 

Oranjestad – 29 di december 2020 – Aña 2020 tabata un aña cu nos niun a premira. Sigur un aña cu hopi retonan nobo. E aña aki a siña nos e importancia di comprension y compasion aun mas.

 

Aruba Bank kier a gradici cada un empleado di Dr. Horacio E. Oduber Hospital cu nan empeño durante 2020. Tur e empleadonan a demostra nan dedicacion y balentia pa por eherce nan trabou den e situacion inespera cu Covid-19 a trece pa nos isla.

 

Un team di Aruba Bank a haci entrega di un obsekio pa cada miembro cu ta forma parti di e staff y personal di Dr. Horacio E. Oduber Hospital.

E coleganan a keda feliz cu e toke di aprecio di parti di Aruba Bank.

Aruba Bank kier desea full staff y personal di Dr. Horacio E. Oduber Hospital y Aruba henter, feliz dianan di fiesta y un prospero 2021 yena cu dicha y felicidad.