Un Curasoleño cu e siman aki a keda deteni na Colombia pa traficacion di droga, ta un sospechoso tambe di un caso di likidacion na Surnam.
Popayan, Colombia: Durante un accion di polis, e siman aki den e area di Popayan Colombia, e Curasoleño Francy Anthony de Pool a keda deteni. Autoridad Colombiano ta sospecha cu De Pool ta liderando un organizacion di mulanan di droga. E ta wordo sospecha di ta manda (segun polis), e mulanan cu entre otro droga den nan maletanan pa Europa, especialmente Hulanda.
Segun media na Colombia, De Pool ta wordo sospecha di ta envolvi den un caso di likidacion cu a sosode 17 di mei e aña aki na Commewijne, Surnam. E victima tabata un Cubano Loesbel Izquierdo Noriega (28).
Autoridad na Surnam a describi Anthony de Pool como un persona hopi peligroso, un usado di droga, un alcholico, un fugitivo cu tabata tin arma den su poder.
Surname a manda pidi Colombia, pa extradita De Pool pa Surnam. De Pool ta keda deteni pendiente su extradicion.