Home » Protocolnan di Crisis Team ta wordo viola, Polis a para fiesta cu tawata cobra pa drenta den oranan di marduga

Protocolnan di Crisis Team ta wordo viola, Polis a para fiesta cu tawata cobra pa drenta den oranan di marduga

by Admin
0 comment 63 views

Sero Pita – Diaranson mey anochi birando diahuebs polis di Santa Cruz tawata man yen cu diferente asistencia, mayoria tawata pa motibo di desordo. Pues casnan of hendenan cu pa un of otro motibo ta pone musica duro.

Un di e adresnan cu polis a bishita tawata uno na Sero Pita, unda cu lo a drenta un cantidad di reclamo di parti esnan bibando cerca.

Den careda di 2’or di marduga ora cu polisnan a bisa ta basta nan a bay dicho adres.

Loke a wordo bisa cu lo tawata un un simpel fiesta di cumpleaños a resulta di tawata algo completamente lo contrario. Tawata trata di un fiesta cu un banda musical conoci a organisa y a bay asina leu cu tawata cobra pa entrada.

Mesora a pone un paro na esaki, mirando cu e fiesta aki ta bay encontra di e reglanan pa salubridad publico. E reglanan estableci ta pa preveni mas contagio y plamamento di COVID-19.

A papia cu e represente di fam R y a bay over na dune un boet y nan mester a ruim op tur cos. Polis lo a keda tira bista te ora cu tur cos a termina.

Asina aki nos a wordo informa cu ta masha hopi fiesta clandestino tin den e dianan aki, pues tin algun hende cu no ta importa ki ley tin vigente y ta burla di esaki.

Debi na e tipo di practicanan aki clandestino por bay mira den e siguiente dianan un aumento drastico di personanan malo, contagia cu Covid-19.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio