Palm Beach – Diaranson anochi laat algo pasa di 11’or polis a wordo informa cu tin un caso serio na un adres situa na Palm Beach, unda un homber lo kier pone fin na su bida.
Na yegada di polis cu bay cu urgencia pa e adres a bin topa un persona herida. E persona aki lo tawata tin un of mas cuchiu y lo tawata kier a corta su garganta of a corta su garganta.
Polis mirando e situacion y cu tin peliger a los un tiro di advertencia unda cu asina mes e persona aki lo a purba of a bin den direccion di e agentenan y aki ta unda e agente a los tiro ariba su pia.
Na e momento ey a pidi pa un ambulance cu urgencia y demas autoridadnan, esta nan superior y tambe slachtofferhulp.
Por a mira poco poco algun hefe yega e sitio, entre nan Sra. Hassel y tambe Sr. Soemers cu ta hefe na Noord.
BFTO( polis tecnico) a presenta pa asina compila dato di loke a pasa, esaki mayoria biaha ta wordo haci den forma di saca potret di diferente angulo di e sitio.
Despues di basta rato Ambulance a sali direccion Hospital cu e cabayero. A pidi un segundo ambulance mirando cu un famia lo a bira malo di tur loke a sosode, unda cu e loke a pasa por a termina den un tragedia.
