Cacho morto ya 4 dia ariba acera na Paradera, mandando holor desagradabel

Paradera – Na e crusada na Paradera cu ta bay pa Rooi Afo nos a wordo notifica cu tin un cacho morto ariba e acera.

Diaranson e cacho aki cu ta parse un Jack Russell of Chihuahua ta bay haci 4 dia benta na e mesun luga.

E ta mandando un holor masha desagradabel mes pa tur hende cu ta pasa eybanda, sin conta e bista mahos di e pober animal den estado di decomposicion. Serlimar a wordo informa, pero te na e momentonan aki nada a wordo haci e ta mesun un luga benta.

Un suplica ta bay na esnan concerni cu ta piki bestia morto ariba caminda pa haci algo.

No ta conoci si e dienst aki ta activo ainda, debi cu na varios caminda por mira animalnan morto cu normalmente ta wordo lanta, pero ultimamente ta parse cu ningun instancia ta haci esaki mas.