Home » Tips Pa Un Bon Pasco!

Tips Pa Un Bon Pasco!

by Admin
0 comment 89 views

Oranjestad – December 22, 2020

Departamento di Salud Publico Aruba ta presenta aki diferente recomendacion pa bo pasa un Pasco trankil y salud memei di e pandemia di Covid-19.

Tene na cuenta cu e consehonan aki na cas:
?Por reuni, pero no invita hopi hende. Mester evita aglomeracion y mas den areanan cu ta cera of cu no tin bon circulacion di aira.
?Mas tanto reuni cu esnan cu ta biba bou bo mesun dak, y scoge pa tin contacto cu otro famia y amigo uzando recurso digital pa celebra hunto, manera Zoom, video calls of WhatsApp, por ehempel.
?Distribui bishita den transcurso di dia, asina bo no lo ta cu hopi hende pareu na cas. Pone ora pa cada persona cu lo bishita bo, asina e no lo topa cu e siguiente bishita.
?Preferiblemente, sinta pafo, ta mas sigur. Caminda aira ta circula, tin menos posibilidad di plamamento di Covid-19. Si ta sinta pafo, toch mester sigui cuida.
?Prepara tur cos na cas pa tur esnan cu bini por mantene distancia di 1.5M tur momento. Dus pensa bon con nan ta bay sinta y na unda. Sea consciente y hala atencion di esnan cu no ta cumpli cu regla.
?Zorg pa tin suficiente habon y “hand sanitizer” na cas, pa asina garantisa higiena y stop e contagio.

Aki algun recomendacion pa ora di haci compras:
?Si por, cumpra online mas tanto. Probecha di servicio di delivery caminda cu por.
?Cumpra tur cos cu anticipacion. No laga cos pa ultimo ora.
?No bay haci compras cu mas persona cu ta necesario, asina ta evita aglomeracion.

Iglesia tambe ta keda importante, pero mester sigui cumpli cu tur regla stipula:
?Respeta e cantidad maximo di hende den iglesia.
?Cumpli cu tur e medidanan di prevencion.
?Uza tapa boca y mantene distancia di 1.5M na tur momento.
?Preferibel, sigui transmision na TV of online.

Si nos cuida e Pasco aki, nos lo por celebra fin di aña tambe den trankilidad y salud. Sea consciente: cuida bo mes y cuida otro, #ArubaTaContaCubo

#BonPasco
#UnPascoDiferente
#DVGAruba

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio