Home Local Aruba Bank a contribui pa realisa documentario cinematografico di nos tradicion di...

Aruba Bank a contribui pa realisa documentario cinematografico di nos tradicion di Dande

SHARE

Oranjestad – 23 di december 2020- Fundacion Mi Cutisa (FMC) a coordinando pa prome bez un filmacion pa un documentario di Dande. E meta di e documentario aki ta pa documenta nos tradicion di Dande na Aruba y particularmente trese dilanti kico ta e diferencia entre e Dande di Tambu y e asina yama Dande di Fio.

Den cuadro di nos responsabilidad corporativo social y nos pilarnan strategico WeCare y WeBuild, Aruba Bank a partner up cu Fundacion Mi Cutisa door di contribui pa realisa producion aki.

Pa nos di Aruba Bank e ta hopi importante pa duna bek na comunidad y e mihor manera pa haci esaki ta atravez di nos cultura.

Nos ta contento y orguyoso di por forma parti di e documentario cinematografico di nos tradicion di Dande cu ta premira di bira uno excepcional caminda chiquito y grandi por disfruta di dje pa un tempo largo.