Home Dutch Kingdom Corsou: Tur Mucha un Regalo di Pasku ta kibra rekòrt di kantidat...

Corsou: Tur Mucha un Regalo di Pasku ta kibra rekòrt di kantidat di regalo ku, 6748!

SHARE

Tur Mucha un Regalo di Pasku ta kibra rekòrt di kantidat di regalo ku, 6748!  

E Organisashonnan Rotaract, Dolfijn FM i Children’s Museum Curaçao: ta  gradisíbo mashá pa bo kontribushon!  

WILLEMSTAD – E di diessinku edishon di Tur Mucha un Regalo di Pasku a kibra un  rekòrt e aña akí. Te ainda nunka ántes den e diessinku aña di eksistensia di e akshon a  rekohé asina tantu regalitu ku durante e último edishon. Ku yudansa di personanan  partikular i empresanan a kolektá porloménos 6748! Regalo pa mucha ku di otro  manera lo no risibí un regalitu e Pasku akí. Na momento di skirbi e relato akí ya a  repartí 5886 regalitu entre e 101 organisashonnan di yudansa.  

Esei ta nifiká ku ya mas ku 5886 mucha a risibí un regalo di Pasku ku normalmente lo  no a haña unu. E otro mitar lo keda repartí durante e dianan benidero entre e  organisashonnan di yudansa i den e barionan kaminda yudansa ta altamente  nesesario. Rotaract tin kontakto ku e organisashonnan akí i ta traha konhuntamente  entre otro ku Kuerpo Polisial di Kòrsou pa repartí e regalonan serka e famianan  kaminda pa e muchanan un regalo no ta algu di kustumber.  

For di Djarason 9 di Desèmber te Djarason 16 di Desèmber Dolfijn FM a transmití bibu  for di Children’s Museum Curaçao. Na prinsipio di e akshon e organisashonnan ku ta  traha konhuntamente tabata un poko nervioso, puntrando: “ seguramente lo entrega  regalo miéntras nos isla ta seriamente afektá pa e krísis di Corona? E kontrario a  resultá di ta realidat. Kòrsou a bolbe demostrá di tin un gran kurason i ta para kla pa  yuda otro. Un mensage ku konstantemente ta resoná entre e personanan partikular i  empresanan ta: ‘eksaktamente durante e krísis di Corona akí mi ke aportá ku mi granito  di arena.’  

Esaki tabata hopi biaha kompañá di historianan interesante, bunita i emoshonal.  Spesialmente nos ta rekordá e historia di e oyente Valie. Komo persona partikular el a  trese porloménos 52 regalitu. Valie: ,,Mi sa for di mi hubentut kiko ke men lanta i krese  sin un regalitu di Pasku. Awor mi ta den un posishon pa hasi algu bèk i hasi 52 mucha  kontentu.”  

Kristy Senior di Rotaract ta mira bèk ku un sintimentu di satisfakshon riba e akshon:  ,,Ta fantástiko ku henter Kòrsou a hasi su esfuerso pa tur mucha na Kòrsou. Nos ta  sumamente agradesido pa tur e donashonnan i nos lo sòru pa esakinan yega e lugá  

indiká i korekto.” Gerente di e emisora di Dolfijn FM, José de Bruin: ,,Ta mashá  rekonfortante mira ora un mucha ta trese un regalo pa un otro mucha. Eksaktamente  esaki ta e motibu pa e museo di mucha partisipá den e akshon. Esther Pijl di Children’s  Museum Curaçao: ,,esaki ta kuadra netamente ku nos meta pa siña mucha na edat  hóben kontribuí ku algu bon i positivo.”  

Tambe últimamente empresanan ta kontribuí na e akshon. For di tur skina empresarial,  di kompanianan anónimo di gobièrnu te ofisinanan di bienes privá, a hasi donashon.  Tur hende ker a aportá ku su granito di arena pa ofresé e muchanan di Kòrsou un 

dushi Pasku. Pesei e organisashonnan ta enormemente agradesido. ,,No ta sin mas un  obligashon pa hasi un donashon. Si akaso tabata trata di ún regalitu òf tabata trata di  900, tur ta keda apresiá, ún pa ún, i ta yega na e lugá apropiá.”  

Banda di tur e empresanan i e personanan partikular ku a entrega un regalitu, e  organisashonnan ke gradisí tambe e boluntarionan ku boluntariamente a traha pa logra  haña e regalonan na e lugá apropiá.  

NOTA PA REDAKSHON NO PA PUBLIKASHON  

Pa mas informashon òf mas pregunta, no duda pa tuma kontakto ku nos. Di antemano  mashá danki pa publikashon di e mensage.  

 

Kristy Senior, Rotaract: +5999 510 1412  

José de Bruin, station manager Dolfijn FM: +5999 515 6935