Home » Un caha fuerte haya den dam di Rooi Afo, a wordo confisca pa mas investigacion

Un caha fuerte haya den dam di Rooi Afo, a wordo confisca pa mas investigacion

by Admin
0 comment 70 views

Rooi Afo: Diasabra den oranan di atardi un persona cu diariamento ta coy awa na dam di Rooi Afo, a bati alarma na momento cu na rand di e dam e la topa cu un caha fuerte.

Segun e persona pa algun dia pasa caba e la nota cu lo tin algo den e dam cu parce un caha fuerte, pero e tabata poco leu den e dam y e persona no por a yega cerca. Diasabra den oranan di atardi e la nota cu e caha fuerte a yega mas cerca di canto y asina e homber a logra saca e caha fuerte for di awa y a yama polis.

Un patruya di playa a presenta na e sitio y enberdad nan a bin topa cu e caha fuerte. Mesora a pidi pa presencia di departamento tecnico pa haci investigacion na e sitio y despues nan a dicidi di confisca e caha fuerte aki pa sigui cu mas investigacion, probablemente pa confirma si e ta procedente di ladronicia y di cua caso di ladronicia.

No ta prome biaha cu ta haya caha fuerte den e dam aki, varios caha fuerte a yega di wordo benta den e dam y ora secura drenta y e dam seca nan ta aparece.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio