ORANJESTAD – Dia 11 y 17 di December, a haci dos accion,conhuntamente cu diferente autoridadnan, unda a controla nos taxistanan ariba diferente puntonan. Durante e dos accionnan aki un total di 98 taxi a wordo controla. Mayoria tawata tin nan documentonan como debe ser. Tambe a controla ariba e protocol di higiena y con esaki ta bai den practica .
E accion tawata uno exitoso mirando e dedicacion di nos taxistanan pa tin tur cos na ordo pero tambe pa por mira e dedicacion y ehecucion di protocolnan pa asina por limita e transmision di e virus bou nan mes, nan famia y nos bishitantenan.
Taxistanan cu a ricibi un email informandonan cu nan a haya e seyo di oro lo por busca esaki dialuna awor, dia 21 di december entre 10am- 4pm, na oficina di Aruba Tourism Authority (L.G. Smith Boulevard 8). E email aki por a bai den junkmail of spam, ta encurasha pa mira kinan. E siguiente oportunidad pa pasa busca e seyo di oro lo ta dia 5 di januari entre 10am-4pm.
Un danki ta bai na tur taxista cu ta brindando nan servicio, pa continua di haci esaki teniendo cuenta cu e protocol di higiena.