Home » Parlamentario Shailiny Tromp-Lee (MEP): Siman di examen di Landamento Escolar tabata uno exitoso! Mi ta spera cu aña 2020 ta sera cu claridad pa e instructornan pa loke ta trata nan trabou y futuro.

Parlamentario Shailiny Tromp-Lee (MEP): Siman di examen di Landamento Escolar tabata uno exitoso! Mi ta spera cu aña 2020 ta sera cu claridad pa e instructornan pa loke ta trata nan trabou y futuro.

by Admin
0 comment 81 views

 

 

Entre dianan 7 pa 11 di December 2020 a tuma lugar examennan di Landamento Escolar pa nos muchanan di scol basico cu pa motibo di COVID-19 no por a pasa nan examen na final di aña escolar 2019-2020.

 

Hunto cu algun colega parlamentario y Minister Dangui Oduber, mi tabata presente na Piscina Olimpico Roly Bisslik dia 7 di December 2020 pa presencia apertura di e siman di examen di Landamento Escolar pa Zwemdiploma A y B. Durante e siman aki 37 scol a participa y en totaal 412 mucha a logra obtene nan diploma A y 135 mucha nan diploma B. Sigur tabata un previlegio pa mi pa a haci entrega di algun zwemdiploma na nos muchanan y yamanan pabien pa un bunita logro den nan bida. 

 

Na clausura di e siman aki, Minister Dangui Oduber, como muestra di gratitud, a duna reconocimento na 4 Arubiano ehemplar cu a base boluntario pa sigur 27 aña a y ta fungi como examinator pa Landamento Escolar durante e siman di examen. Un reconocimento a keda duna na: Bram Koole, Geoffrey Ho A Sjoe, Winnie Bisslik y Maicha Croes. Mas cu claro mi tambe ta uni mi mes na e gradicimento na e 4 baluartenan aki pa cu nan aporte enorme pa cu nos muchanan.

 

E siman exitoso aki tabata posibel danki na e trabou di nos Instructornan di Landamento Escolar. Un grupo cu desde comienso di oktober 2020 mi ta den contacto cu nan y dia 17 di November 2020 nan respresentantenan tabata den un encuentro publico aki den Parlamento pa bin presenta nan preocupacion pa loke ta trata nan situacion laboral y pa pidi Parlamento pa intermediacion pa nan por haya claridad. Durante un reunion cu Minister Lampe den Comision Fiho di Enseñansa mi a urgi Minister Lampe pa e presenta su plan concreto pa loke ta trata Landamento Escolar y duna e claridad necesario na e grupo en cuestion. Alabes mi a subraya cu mi ta di opinion cu e grupo aki durante aña a adkiri cierto derechonan cu mester keda debidamente teni cuenta cu ne. Adicionalmente durante e reunion publico cu nos a trata Presupuesto Supletorio mi a pidi Minister President pa forfabor urgi DRH pa percura pa e consehonan necesario cu ta pendiente pa loke ta trata nan rechtspositie y contractnan cu di aña 2009 nan no a ricibi mas. Mi ta spera di curason cu aña 2020 lo sera cu e claridad necesario pa e instructornan pa loke ta trata nan trabou y futuro.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio