PRADO – Un mucha muher di 10 aña a haya yiu na Colombia. Segun informe, e ta wordo abusa pa añas caba. Polis na Colombia ta buscando e tata.
E mucha ta biba na un finca cerca di e pueblo Prado, no hopi leu for di e capital Bogota. El a wordo interna den un centro medico y despues cu e sali e lo wordo cuida pa instancianan Colombiano.
Polis ta sospecha cu e victima hoben ta wordo abusa desde cu e tin 8 aña di edad. Ken ta responsabel – e padrastro di 43 aña of un trahador di e finca di 23 aña – ainda mester sali na cla for di e investigacion.
E mucha mes a zorg casi un luna pa su baby. E dia exacto di e nacemento no ta conoci. „Hopi di e casonan aki di abuso sexual no ta wordo raporta pa protege un yiu homber, un omo of un abuelo”, segun e gobernador. E ta pidi testigonan pa bin padilanti.
Abortus ta permiti na Colombia si e bida di e futuro mama ta core peliger, of ta spera cu e lo perde e yiu of si e muher ta victima di violacion.