Home Local Durante e Ceremonia di Naturalisacion, 100 persona a haya e nacionalidad Hulandes

Durante e Ceremonia di Naturalisacion, 100 persona a haya e nacionalidad Hulandes

SHARE

Riba 15 di December 2020, 100 persona a huramenta of haci promesa den presencia di Gobernador di Aruba, Su Excelencia Alfonso Boekhoudt, den cuadro di e ceremonia di naturalizacion. Participacion na e ceremonia di naturalizacion ta e ultimo parti di un proceso largo cu ta conduci na obtene e nacionalidad Hulandes. Durante e ceremonia a para keto na e echo cu 15 di december ta tanto Dia di Reino como Dia di Naturalizacion. Gobernador a para keto na e nificacion di e nacionalidad Hulandes, e derechi y obligacionnan cu e ciudadania Hulandes ta hiba cu ne y a presta atencion na e conexion cu e sociedad di Aruba.

E procedura pa haya nacionalidad Hulandes via opcion of naturalisacion ta describi den Rijkswet op het Nederlanderschap. Por haya mas informacion riba www.rijksoverheid.nl/onderwerpen/nederlandse-nationaliteit/nederlander-worden. E trajectoria ta cana segun e decreto Verkrijging en Verlies Nederlanderschap, poniendo den practica articulonan 21 y 23 di Rijkswet op het Nederlanderschap. Pa mas informacion tocante e procedemento na Aruba, tambe por tira un bista riba e website di Gabinete di Gobernador di Aruba: www.kabga.aw.