Diferente aplicacionnan di e gigante tecnologico a raporta un caida total desde marduga di dialuna cu a pasa.
YouTube, Gmail y otro servicionan di Google a experiencia problemanan di funcionamento na varios parti di mundo.
Mayoria di e kehonan pa cu YouTube a bin di paisnan Europeo, manera Inglatera, Alemania, Grecia, Portugal, Francia, Polonia y Rusia; aunque tambe a raporta problemanan na otro paisnan manera Japon, Australia y Indonesia.
49% di usuarionan a keha cu e website no tawata load, mientras cu 45% di e personanan a menciona cu tawata imposibel pa mira videos.
Pa locual ta trata Gmail y otro servicionan di Google, e mayoria di e problemanan a wordo constata na nacionnan Europeo, y tambe na Estados Unidos. Un total di 87% di usuarionan di e paisnan afecta a raporta di no por a haci uzo di ningun servicio di Google.
Despues a bin sali na cla cu varios pais Latino Americano tambe a wordo afecta pa e caida di e servicionan menciona.