Palm Beach: Diaranson den careda di 10’or y 50, presencia di polis y ambulance a wordo pidi na e walkway den area di Holiday Inn Beach resort pa un persona cu a cay y a keda herida.
Na yegada di strandpolitie nan a topa cu un pareha turista di edad riba e walkway, e homber tabata drumi riba vloer y e tabata tin un kap na su frenta cu tabata sangrando hopi. Mesora e polisnan a cuminsa tuma tur datos, mientras nan tabata wardando riba e yegada di ambulance.
E pareha a conta polis cu nan tabata canando y e homber lo a trompica riba e klinkernan cu lo tabata un poco lanta, e la cay abou y a kap su frenta. Tambe e homber lo a haya algun sla na su curpa.
Paramediconan di ambulance a presenta y a trata e homber turista. E pareha turista ta di Ohio y nan ta hospedando na Costa Linda Beach Resort.
