Home Local Task Force Bedrijven ta coregi “Fake News”, Bochincha a cumpli cu reglanan...

Task Force Bedrijven ta coregi “Fake News”, Bochincha a cumpli cu reglanan debidamente.

SHARE

Oranjestad, December 15 2020 – Taskforce Bedrijven a tuma nota cu den fin di siman ta drenta hopi yamada pa Taskforce tira bista na diferente establecimento aki na Aruba. Nos pueblo a bira hopi mas alerta y critico pa cada cos cu nan ripara cu den nan concepto no ta cuadra cu loke ta stipula den Protocolnan di Covid-19 y nan ta meld esaki di biaha.
Esaki ta comprendibel pasobra no necesariamente tur hende mester ta di acuerdo pero tin regla stipula y nos mester sigui cumpli cu nan.

Tambe ta notabel cu algun medio di comunicacion ta haña esaki net un bon oportunidad pa nan trece e noticia na un forma diferente, tin ta opta pa haci esaki na un manera responsabel y tin otro cu ta opta manipula informacion pa trece panico unda cu no tin. Y esaki ta e rason principal pakiko Comision di Crisis ta publica e comunicado aki.

Nos ta papiando aki di exclusivamente e Café & Restaurant nobo cu a habri yama Bochincha. Pero e realidad di e storia aki ta cu Taskforce tambe tawata presente na e sitio y tur cos tawata na ordo y segun reglanan.
Mescos tawata paden tur caminda e negoshi aki a zorg pa nan tin tur cos na nan luga poni y alaves a zorg pa na cada mesa tin e cantidad stoel stipula pa e protocolnan.
E tipo di noticia nan asina cu imagen falso ta trece panico den pueblo y ta trece confusion den e tarea hopi importante y responsabel cu Taskforce tin. Pesey ta pidi media nan pa busca informacion corecto y concreto .
Taskforce a controla y a nota cu tur cos na Bochincha tawata segun reglanan.