ROMA – Polis Italiano a identifica mas di 400 persona cu a comparti imagennan di abuso sexual di mucha. Esaki a tuma lugar despues di un investigacion extenso den e lucha contra reparticion di imagennan di pornografia infantil via internet.
Pa 2 aña largo, polis a haci investigacion undercover y a bisa cu e portret y videonan a wordo reparti entre 159 grupo ariba entre otro WhatsApp y Telegram. Ta trata di material grafico di abuso di baby. Te cu awor a detene 15 persona.
Investigadornan a identifica 432 persona envolvi: 81 Italiano y 351 stranhero. Sospechosonan ta bin di diferente gruponan den sociedad. Ta trata di studiante, pensionado y asta un empleado di polis. E dos personanan presuntamente na cabes ta un oculista di 71 aña, procedente di Napoli, y un homber desemplea di 20 aña procedente di Venecia.