Home » “Y nos ta bira e pagina”: Colegio Electoral di Estados Unidos ta confirma victoria di Joe Biden

“Y nos ta bira e pagina”: Colegio Electoral di Estados Unidos ta confirma victoria di Joe Biden

by Admin
0 comment 55 views

Dialuna pasa e Colegio Electoral a ratifica e victoria di Joe Biden pa cu eleccion na Estados Unidos.
E proceso formal aki a cana un caminda inusual e aña aki pa motibo cu e presidente actual a nenga di reconoce su derota.
Cu e cantidad grandi di voto electoral na California, Biden a supera e cantidad di 270 voto electoral necesario pa yega White House.
Biden, exvicepresidente di Barack Obama, lo tene un discurso pa celebra e paso final aki cu lo consagra di forma definitivo su victoria y cu, segun e, ta e prueba di e “fortalesa y resiliencia” di e democracia estadounidense.
E proceso aki, cu ta wordo transmiti directo pa varios medio, normalmente ta un formalidad, pero e manera inusual con Trump a actua, su denuncianan di irregularid y su batayanan legal – sin ningun exito – den varios estado a aumenta e interes pa e discurso final aki.
Corte Supremo mes – cu ta conta cu un mayoria conservativo, gracias na Trump cu a nombra tres di su huesnan – a nenga di considera e peticionnan di e republicanonan.
E resultado di e eleccion di 3 di november a wordo certifica pa tur 50 estado y tambe e Districto di Columbia. E democrata a gana den cantidad di voto cu 81,3 miyon di voto (51,3%), compara cu e 74,2 miyon (46,8%) di e magnate republicano. Pero na Estados Unidos e presidente ta wordo elegi di manera indirecto via votonan electoral, y pa cada estado esaki ta wordo determina pa su poblacion. Biden ta na caminda pa logra 316 voto electoral compara cu Trump cu a logra 232.
Hillary Clinton cu na 2016 a gana e voto popular, pero a haya menos voto electoral cu Trump, a bisa ariba Twitter cu e no ta kere den e sistema aki, pero aun asina e ta sinti orguyoso di a vota pa Biden.
“Ami ta kere cu nos mester stop cu e sistema di Colegio Electoral y selecciona nos presidente a base di ken ta e ganador di e voto popular”, el a bisa.
Un cantidad grandi di legislador republicano a sostene e afirmacion di fraude di Trump, pero otronan a laga esey cai y a reconoce e victoria di Biden, una vez cu esaki a wordo ratifica door di e Colegio Electoral.
No ta di spera cu Trump lo acepta su derota, pero tampoco cu e lo nenga di bandona White House. Probablemente e lo evita di reuni cu Biden den cuadro di traspaso na manera tradicional.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio