55
Recientemente a termina e curso “Desaroyo Continuo & Digital pa Adulto Mayor (60+)”, cual tawatin un duracion di 3 luna y un total di 28 participante.
Esaki tawata un iniciativa di Fundacion Movemento Ta Bida den e Proyecto Hunto Grandi Grandi Hunto bao auspicio di Cede Aruba.
E partner cu a contribui grandemente ta nos compania nacional Setar.
Setar a ofrece lokalidad, docente y materialnan di instruccion.
Aparte di instruccion, con pa traha cu un “smartphone” a haya lesnan con pa:
* Haci y ricibi yamada
* Agrega contacto
* Manda SMS
* Saka y waak potret
* Instala apps (aplicacionnan)
* Aplicacion pa Facebook/You tube/Wega/email/Holoshi/
* Beneficionan di uso di un smartphone
* Kico ta Whatsapp
* Kico ta Facebook
* Video chat apps (Whatsapp/Messenger/Zoom/
* Google acc.
* y asina por sigui
Tambe a toca e tema di Cybersecurity, cual ta sumamente valioso pa sa y tene BON cuenta cu ne.
Setar a trese tambe nan app tan conosi Pay.aw
Durante e tempo dificil di Covid 19, diferente compania/instancia/negoshi a exigi pa pagonan tuma lugar”online”.
Pa e motibo aki diferente banconan a haci presentacion na e cursistanan, con pa haci pagonan “online”.
AZV tambe a duna su contribuccion con pa instala nan app.
Presencia di WEB no por a falta, y a duna un splicacion amplio riba percela, con pa lesa y compronde e cobransa y a splica e beneficionan pakiko paga “online”.
SuperFood a duna un splicashon con pa haci COMPRA online den comodidad di bo cas y mayan bo pedido lo wordo entraga.
Na final, despues di un speech elocuente di Sr Rudy Leysner, a bay over na gradici Setar pa su gran aporte, na Sra Kimberly Boekhoudt pa su pasenshi y manera ehemplar pa guia, instrui y facilita tur cursista durante e 3 (tres) ultimo lunanan, den un periodo basta dificil.
A presenta Sra Kimberly un bunita recuerdo como muestra di nos aprecio.
Por ultimo Sra Rosa Leon, Lider di e Projecto Hunto Grandi Grandi Hunto y Sra Kimberly Boekhoudt a haci entrega di certificado na cada participante.
Dia 4 ultimo e curso a jega na su fin y awor lo sigui cu e sigiente fase, caminda esnan cu a sigui e curso, lo bay traspasa informacion cu nan a haya, na lo demas gruponan/miembronan cu ta forma parti di FMTB y tambe Grupo Nucleo y despues na henter e poblacion di 60+ di Aruba.
KEDA PENDIENTE……..
TIN COSNAN GRANDI NA CAMINDA PA NOS ADULTONAN MAYOR