Parlamentario Benny Sevinger Gobierno di MEP a yuda famia pero di nan mes y no pueblo

Otronan cu el a menciona ta cu lo baha criminalidad y lo reestablece ordo y trankilidad na Aruba.
Pero “awe nos por mir’e tur dia, cantidad di sospechosonan deteni cu atraco, maltrato cu
machete, arma poni na cabes di anciano, etc,” ta diferente caso di delitonan cu ta keda publica tur
dia den medionan. “Esaki mientras a priminti cu tur esaki lo caba ora cu MEP drenta gobierno. E
unico cos cu nan a bin cu ne cu nan a priminti ta e helicopter.”
Problemanan social y pobresa ta reina na Aruba. Simplemente papia cu instancianan social y lo
haya sa con grandi e problematicanan ta.
“A priminti cu lo yuda famianan den necesidad pero e unico famia cu gabinete Wever Croes a
enfoca riba dje, ta famia Croes y Oduber cu ta rond di Prome Minister.
Esaki ta e famianan cu a haya prioridad den e gobernacion aki y nan no ta bay den bario pa topa
cu e famianan.
E ser humano cu tin prioridad den nan maneho, tambe ta di nan so. Sosten na victimanan di
abuso sexual no ta mira nada mientras cu a bisa pueblo cu lo pasa un ley den seis minuut, pero
den tres aña nada no a sosode y ta mustra cu e oloshi cu mester mustra seis minuut aki, no ta
cana,” Parlamentario Benny Sevinger a declara.
Paginanan di promesa cu e Parlamentario a repasa pero cu nada no a cumpli, ni cu esun di habri e
refineria caminda gabinete Wever Croes a kibra contract y e hendenan a bay cu 300 miyon di
pueblo y awe ta bolbe bin haci promesa cu ta habri e refineria, cu no tin nada di haber cu e tema
y cu lo inverti mas di 3.5 biyon den dje.
“Awe e situacion t’asina malo cu e pueblo no por cumpra cuminda saludabel, riba dje ta corta
den e cuido cu ta duna y e remedinan cu ta cubri y Sevinger a sigui mustras cu ainda tin mas cos
pa bin, no pa pueblo pero pa famia y nan mes ya cu nunca pueblo tabata central pa e gobierno di
Prome Minister Evelyn Wever Croes,” Parlamentario Sevinger a mustra.